යට කී පොලිස් නිලධාරීන්ට මෙලෙස ඉහලම ජනතා ප්‍රසාදය හිමි වීමට ප්‍රධනතම හේතුව වන්නේ HNDA සහෝදර සහෝදරියන්ට පොලු මුගුරු ගෙන මිලේඡ්ඡ අන්දමින් හුදී ජන පහන් සංවේගය උපදවා පහර පිට පහර එල්ල කිරීමය.
HNDA එකට උපාධි මට්ටමේ පිලිගැනීමක් ඉල්ල ගන්න HNDA කොල්ලෝ කෙල්ලෝ UGC එක ඉස්සරහා විරෝධතාවක් කරේ මාර්ගය තරමක් අවහිර වන අන්දමින්ය යන්න ඇත්තය. මක් නිසාද යත් කොහේවත් තියෙන පිට්ටනියකට ගොස් ඔය කියන්නා වූ විරෝධතාව කරොත් කිසි දිනෙක අපේ පාලක උන්නැහෙලා ඔය කියන ඉල්ලීම් ටික කනකටවත් ගන්නේ නැති නිසාය. කරන්නට දෙයක් නැත. මේ අපේ රටේ හැටිය. සමහරක් මිනිස්සු මේ කොල්ලො කෙල්ලො ටිකට පලු යන්න බනිනවාය. කොච්චර ඉගෙන ගත්තත් මුන්ට මොලෙ නෑ කියනවාය. ඔහොම පාරවල් හරස් කරගෙන අනිත් මිනිස්සුන්ටත් කරදරයක් වෙවී ඉන්නේ ඇයි කියා අහනවාය. ඒ අය හිතන්නේ මේ ගැටලු වලට විසදුම් ඉතා ලේසියෙන් කජු කනවා වාගෙ සුටුස් ගා ලැබෙනවා කියාය. එසේ නැත. අඩන්න ඕනිලු කිරි එරෙන්න. ඉතින් පාලක උන්නැහෙලාට අහෙන්න දැනෙන්න මේ විදිහට විරෝධතා නොකර මේ සිසුන්ට තම අයිතීන් ඉල්ල ගන්නේ කොහොමද කියා ඔය කෑ මොර දෙන වැඩිහිටි උදවිය කියලා දෙනවා නම් වටිනවාය...
මෙහිදී පොලිසියේ ක්‍රියා කලාපය ගැන නම් දෙවරක් නොව කිහිප වරක් සිතන්නට උවමනාය. කදුලු ගෑස්, අධි පීඩන ජල ප්‍රහාර වලින් නොනවතී බැටන් පොලු ප්‍රහාරද එල්ලකොට විරෝධතාවය විසුරුවා හැරීමට කටයුතු කරාය. ඒක කමක් නෑ කියමුකෝ. නමුදු තඩි පොලු මුගුරු රැගෙන කොල්ලෝ කෙල්ලොන්ගෙ ඔලු පැලෙන්නට තඩි බා ඒ අවම බලය පාවිච්චි කිරීමක්ය කියා හඩ ගෑම නම් කිසිසේත් අනුමත කරන්නට බැරිය. මා දන්නා පරිදි අවම බලය එය පාවිච්චි කරන පුද්ගලයා අනුව වෙනස් වෙනවාය. එ කියන්නේ ඩිපෙන්ඩබල් ය. යමෙක් වචනයෙන් දමනය කල හැකි නම් ඌට එරෙහිව පොලු මුගුරු ඉස්සීම අවම බලය නොවේය. එකෙක් AK 47 එකක් උස්සන් එනවා නම් ඒකාට එල්ලය බලා ඔලුව කුඩු වෙන්න තිබ්බත් එයද අවම බලයක්ය. 
නමුත් මෙම සිද්දියේදි වුනේ අවම බලය පාවිච්චි කිරීමක් නොවේය. පොලීසියෙන් නෙලාගෙන එද්දි හිස් ලූ ලූ අත දිවූ, අයුධ තබා අඩු ගනනේ අතේ කුඩයක්වත් නොතිබූ කෙල්ලොන්ගේ ඔලු පැලෙන්නට තඩි පොලු වලින් පහර දීම අවම බලය පාවිච්චි කිරීමක්දැයි දැන ගැනීමට කැමත්තෙමි.
මෙයට අවම බලය කියා කියනවා නම් උපරිම බලය ගැන කවර කතාද?
එක් මාධ්‍ය හමුවකදී කොලඹ ප්‍රදේශය භාර නියෝජ්‍ය පොලිස්පති ගාමිනි මතුරට මහත්තය කිව්වේ ඒ පොල්ලෙන් කාන්තාවන්ට ගැහුවෙ නෑ කියාය. ඒ ඡායාරූපයෙන් පේන්නේ අර අක්කාට එතනින් අයින් වෙන්න කියලා කියන දර්ශනයක් කියාය. ඊට ප්‍රතිචාර සෙනසුරාදා සහ ඉරිදා රෑ හිරු නිවුස් වලින් දුන්නේය. ඒ වීඩියෝ සාක්ශිත් එක්කමය. ඒකෙන් නම් ගමිනි මතුරට මහත්තයාගේ රෙද්ද ගැලවී ගියේය.
මේ ඔක්කොම පොලිස් මාමලාට කියන්නට ඇත්තේ එක දෙයකි.
අද මේ විදිහට අධ්‍යාපන අයිතීන් ඉල්ලා සිටින්නේ අපිට විතරක් නොවේය. මේ සටන හෙට උපදින දරුවට වගේම උබලගෙ දුවලා පුතලා අතුලු මුලු මහත් ශිෂ්‍ය ප්‍රජාවම උදෙසා කරන්නා වූ සටනක් ය. මේ අසාධාරනකම් අද නොසලකා හිටියොත් හෙට උබලගෙ දරුවොත් මේ අසාධාරනකම් වලට ලක් වෙන්නට පුලුවනිය. ඉහලින් එන ඕඩර් නොසලකා ඉන්නට උබලාට බැරි බව අපි දන්නවාය. ඒත් ඒවා ක්‍රියාත්මක කිරීමේදී ඉහත කී කරුණද සැලකිල්ලට ගැනීම වැදගත් වන්නේය කියා මම නම් සිතන්නේ ය.
 |
| එදා රාජපක්ෂ ආණ්ඩුව සිසුන්ට සලකපු අයුරු |
 |
| අද සිරිසේන-වික්‍රමසිංහ ඒකාබද්ධ ආණ්ඩුව සිසුන්ට සලකන අයුරු |
2015-11-02 දින නැගෙනහිර විශ්ව විද්‍යාලයේ සිසුන් විශ්ව විද්‍යාලය ඉදිරිපිට කල විරෝධතවයේ ඡායාරැප කීපයක්
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
 |
| නැගෙනහිර විශ්ව විද්‍යාලයීය විරෝධතාව |
2015-11-02 දින උසස් තාක්ශණ ආයතනයේ සිසුන් බදුල්ල නගරයේ කල විරෝධතවයේ ඡායාරැප කීපයක්
 |
| Protest of ATI-Badulla |
 |
| Protest of ATI-Badulla |
 |
| Protest of ATI-Badulla |
 |
| Protest of ATI-Badulla |
"රණ දෙරණේ ගිනි අවි ගත් යුද සෙබලුනි අසනු මැනව
වෙඩි උණ්ඩය වැය කොට නුඹ සුරැකිය යුතු ජන පිරිස ය
යුක්තිය උදෙසා මොර දෙන ජනයා නසතොත් වියරුව
වැනසෙන්නේ නුඹ ද අයත් පංතිය බව සිතට ගනුව
ඉලක්කයට ලක්වන විට රුදු මරණයෙ ඉරණම්කරු
බලව සිතා එක මොහොතක් වරද කිමැයි ඔහුගෙ රුදුරු
වැටුපට මිනිමරණ දනන් නොව නුඹලා මිනිසුනි ගරු
අයුක්තියේ අණ පිළිපැද කුමට ද නුඹ පළදින තරු?
මානන ගිණි දණ්ඩ තුලින් පෙනෙන තරුණ පපු කුහරය
අධම කැලතකට අද දින නහර පිනන රස අහරය
උන්ගෙ බහට නිදොස් දනන් මරතොත් යුද සෙබල සගය
පමා කරන්නේ නුඹ හෙට නැගෙන්ට යන නව අරුණය......"
No comments:
Post a Comment